Pandit Jungponglemba Memorial Sports Meet 2015 tembangogo

Dimapur, July 08 (TYO): Mokokchung Senso Kaketshir Telungjem (MSKT)-i kümshi ayonga agiba Pandit Jungponglemba Memorial Sports Meet 2015 ‘Shine’ omen nung ajemdaker tan July ita 7-8 nü tashi takok tulu ngua Mokokchung district kübok Mokokchung yimtsüng nung agiogo.
Asayamong tenzükba sentong nung Dr. Abhijit Borah, Associate Proffessor, Department of Physics, Fazl Ali College tetushi tejaoker liasü aser pai pa lanuwa mapang ajangshiba otsü kar lemsatepa lanur shiai tazüngba aser saisapongtsü shilem naprongla nung temulungtetba tulu yur tajungtiba asütsü merangtsü tajungshiba agütsü.
“Kaketshir shiai pei dak aketba sempet meyushia amshitsü aser temesepba chiyongtsü nungi pila alitsü ajungshir,” ta kasa sentong nung Dr. Imtinungba Atsongchanger, Vice President, VDB, Nagaland-ia ajungshia liasü.
Tanü Bodbar nikongdang 1:00 ako nungi tenzüka Dr. Kilang Pongen tetushi tejaoker süa iba asayamong ya tembangogo.