Pandya Asia Cup nung shilem magitsü

Rongjui/September 20, 2018 (Agencies): India nunger all-rounder Hardik Pandya teberem yiruba sülen tang tasayadak Asia Cup 2018 nung shilem magitettsü aser pa melena Deepak Chahar shimtsü akok.
Chahar Yangtepnü Dubai atongtsü ta BCCI sangdong ka ajanga metetdaktsü.
Pandya ya Rasemnü Pakistan den asayaba mapang yirua asayaba moapu nungi anir tugu aser pa tanungba asayatem nung shilem magitettsü.
Asaya nung over 18buba aondang Pandya yirua liasü.
Pandya-i pa atema over pongububa nung ball pongububa aonba sülen teberem nung tashitsü atua ali nung longdak. Iba sülen pa menokdakteti akümba ajanga temang anepalutsü asoshi anir ao.
Iba sülen BCCI-i Pandya teberem yiruba Twitter ajanga sangdonga liasü.
Pandya-i iba asaya nung over 4.5 aon aser iba mapang nung run 24 agütsü saka wicket ka danga magitet.