Pandya yirur aliba ajanga masayatettsü

Tsüklai/February 21, 2019 (Agencies): Australia den asayatsü aliba aayamung nung allrounder Hardik Pandya yirur aliba ajanga masayatettsü. BCCI puri sangdong ka ajanga ashiba agi, arishi küm 26 tain asayar ya teberem nung timtem ka lir aser iba yongji pa iba asayamung nung shilem magitsü. Pandya melena ODI squad nung allrounder Ravindra Jadeja shimogo saka T20I squad nungbo kecha temelenshi mali.
Osang ajangsa ashiba agi, Pandya, strength aser conditioning training ka National Cricket Academy, Bengaluru nung taruba hopta nungi agitsü. “BCCI medical team-i all-rounder ya anisüngzükdaktsür pa teberem atema strength aser conditioning training ka National Cricket Academy (NCA), Bengaluru nung agidaktsütsü telemtetba agiogo. Pa taruba hopta nungi iba training agi tenzüktsü,” ta BCCI-i sangdong ka ajanga metetdaktsü.
“T20I squad atema asayar 14 shimogo. ODI 5 asayatsü aliba atema Hardik Pandya melena Ravindra Jadeja shimogo,” ta kasa sangdong ajanga metetdaktsü.
Pandya masayaba mapang nung bowling all-rounder rongnung Vijay Shankar kija asütsü.
Jadeja India team nungi tatemsa taoba ita Melbourne nung Australia den ODI pongububa asaya nung shilem agiogo. Pa melena New Zealand den asayatsü asoshi Pandya shima liasü. Pa New Zealand den T20I series atemaa meshimi liasü.
India aser Australia na mezüngbuba T20I February 24 nü Visakhapatnam nung asayatsü. Telok ana tsüngda T20Is ana aser ODI pongu asayatsü.
Mezüngbuba aser tanabuba ODI atema India squade: Virat Kohli (captain), Rohit Sharma (vice captain), Shikhar Dhawan, Ambati Rayudu, Kedar Jadhav, MS Dhoni (wk), Ravindra Jadeja, Jasprit Bumrah, Mohamed Shami, Yuzvendra Chahal, Kuldeep Yadav, Vijay Shankar, Rishabh Pant, Sidharth Kaul, KL Rahul.
Tanungba ODI asem atema asayartem: Virat Kohli (captain), Rohit Sharma (vice captain), Shikhar Dhawan, Ambati Rayudu, Kedar Jadhav, MS Dhoni (wk), Ravindra Jadeja, Jasprit Bumrah, Bhuvneshwar Kumar, Yuzvendra Chahal, Kuldeep Yadav, Mohamed Shami, Vijay Shankar, KL Rahul, Rishabh Pant.
T20I series atema India team nungi asayatsüpurtem: Virat Kohli (Capt), Rohit Sharma (vc), KL Rahul, Shikhar Dhawan, Rishabh Pant, Dinesh Karthik, MS Dhoni (WK), Krunal Pandya, Vijay Shankar, Yuzvendra Chahal, Jasprit Bumrah, Umesh Yadav, Sidharth Kaul, Mayank Markande.