Panel Lawyer aser Para-Legal Volunteers nem training agütsü

Dimapur, Metsüremi 28 (TYO): Zunheboto District Legal Services Authority (ZDLSA) aser Tuensang District Legal Service Authority (TDLSA) ajanga Metsüremi (March) 27, 2018 anogo pei district nung Panel Lawyers (PL) aser Para-Legal Volunteers (PLVs) atema training sentong ayongzüka agi.
District Court Complex, Zunheboto nung Metsüremi 27, 2017 nü ZDLSA ajanga ayongzüka agiba sentong nung District & Session Judge aser ZDLSA mendenbuba, Niechochiyi Suyie-i o jembiba mapang iba sentong nung shilem agirtem dang legal service nükjidong ya ‘grass root level’ tashi bener aotsü ajungshi.
Iba sentong nung shisalen sayurji JMFC aser ZDLSA Secretary, Atoka Achumi liasü aser pai Panel Lawyers temi inyaktsü mapatem lemsatep. Maneni ZDLSA nung Panel Lawyer, Easter H. Yepthomi ya shisalen sayur ka ama Para Legal Volunteers tem dang tashi mait aser tajemzük tia nung aliba nüburtem atema inyaktsü ajungshia liasü. Iba sentong ya ZDLSA nung Retainer Lawyer, Tovi Z. Yeptho-i ketdangsüa agi aser Zunheboto district kübok Legal Aid Centre tem nungi Panel Lawyers aser Para Legal Volunteers tem arua aden.
TDLSA ajanga Navinn Conference Hall, Tuensang nung Metsüremi 27, 2018 anogo Para Legal Volunteers tem atema training sentong ka ayongzüka aka. Iba sentong nung mendenpuba aser Para Legal Volunteer, Hongsayemjong-i training indang tatsü agi rasa-a ashi aser pai Principal District & Session Judge tasenba aser TDLSA mendenpuba, Victo Sema pelashishia agizük.
Victo Sema-ia iba sentong nung PLV tem pela agizük aser tajemzükba jenjang nung aliba nüburtem atema inyaktsü asoshi amalitep alitsü ajungshi. Pai-sa iba sentong nung PLV temi bendanga agütsür mapa inyakba mapang inyaktsü aser meinyaktsü mapatem lepshia ashi aser FIR benokba mapang amshitsü tongtibang teinyaktsü kar shisem.
CJM aser TDLSA Secretary, N. Kano-ia kidang mapa inyaker aser tanurtem mapa inyakdaktsüba amala ken o nung PLV temi shilem agitsü indang jembia liasü. PLV temi nüburtem nem tanurtem atema agüja aliba temzüng metetdaktsütsü ashi aser nüngdakba mapang iba amala timtem ajurua aluba tanurtem yaritsü ajungshi.
NSLSA nungi Master Trainer, Cheliam Khiamniungan-i iba sentong nung NSLSA scheme tem PLV temi amshitsü indang power point presentation agütsü aser PLV temi osang tali meteta shilem tajungba nung agitsü ajungshi. Right to Information (RTI) nung keta aliba kar lemsatepdang, terenlok nung shilem agitsü asoshi osang tejangja metettsü atema RTI ya hadir tajung ka lir, ta lai ashi.
Welfare scheme balala agitsü asoshi eligibility criteria aser tajangzük indang jembiba mapang, NSLSA nung Master Trainer, Yimtsusangla Chang-i Indira Gandhi National Old Age Pension Scheme, Indira Gandhi National Widow Pension Scheme, Indira Gandhi National Disability Pension Scheme, Financial assistance of Destitute women, National Family Benefit scheme, Nagaland Building & other Construction workers, Janani Suraksha Yojana (JSY) aser Janani Shishu Suraksha Karyakram (JSSK) amala scheme aliba tem metetdaktsü.