Pangnyu Phom-i Union Minister tem den ajurutep

Dimapur, Rongchii (April) 6 (TYO): Rongchii (April) 6, 2018 nü Health & Family Welfare Minister, S. Pangnyu Phom den Departmental ketdangertemi J.P. Nadda, Union Minister of Health and Family Welfare, Anupriya Patel, Union Minister of State, Health and Family Welfare aser Shripad Naik, Union Minister of State (Independent Charge) for AYUSH nunger den ajurutep.
Iba mapang S. Pangnyu-i Union Minister tem den Kohima nung aliba Nagaland Medical college ji central institute (NEIGRIHMS mesüra RIMS ama) asütsü tebilemba lemsatep.
Paisa Eastern Nagaland nung Medical College tasen ka lapoktsü, district ajak nung AYUSH Hospital lapoktsü, district hospital ajak nung accident & Trauma centre lapoktsü aser Nagaland nung Regional Medicinal & Aromatic Plants Research Centre ka lapoktsü atema tebilemba metetdaktsü.
Union Minister temia Nagaland nung tang teinyakdak mapatongtem tembanga inyaktsü atema akokba tashi yaritsü nangzük aser S. Pangnyu-isa parnok dang Nagaland-i arua centrally sponsored schemes/projects inyakba reprangdangtsü atema jaok.