Panipat film nung Arjun, Kriti, Sanjay nungeri tongti shilem agitsü

Metsüremi 15, 2018 (Agencies): Mohen-Jo Daro film yangluba sülen Ashutosh Gowariker-i maneni puti otsü dak ajemdaker yangluba film ‘Panipat’ yanglutsü. Iba film nung Arjun Kapoor, Sanjay Dutt aser Kriti Sanon nungeri tongti shilem agitsü. Iba film indang mezüngbuba poster tawa sayaogo aser iba nung nisung teka kati noklangnok ka nung amer aliba angutsü. Arjun-i Twitter ajanga poster ya lemsatepa liasü. Pa poster den külemi yamai zülutsü; “Maratha nokinketer tem tasü aitba indang film ajanga sayutsü kanga nema danga bilemer! #Panipat indang mezüngbuba teaser Poster nenok den lemsateper.”
Iba film ya Panipat rara tasembuba dak ajemdaker yanglutsü aser Gowariker tang mezüngbuba Arjun aser Kriti den shilem agitsüba lir. Pa Sanjay denbo Naam (1986) film nung külemi shilem agiadokogo. Puti otsü nung Panipat rara ya asem tashi lir aser rara tembangba shia India puti otsü nung temelenshi bener aruogo.
Panipat rara tasembuba ya Afghan nunger yim makertem den Ahmed Shah Abdali Mughal emperor Shah Alam II aser Marathas nunger longjemer rara. Iba rara nung Maratha Senapati Sadashivrao Bhave ya Afghan commander, Abdali akok.
Panipat film ya 2019 Luchii (December) 6 nü sayatsü imlar.