Panwar aser Agarwal nati bronze medal angu

Rongjui/September 5, 2018 (Agencies): ISSF World Championships anogo pezübuba nung 10m air rifle mixed team junior event nung Divyansh Singh Panwar aser Shreya Agarwal nati bronze medal koktetogo, saka senior shooter temi medal ka danga mongutet.
Divyansh aser Shreya nati point 834.4 nguteta qualification nung jenjang pongububa nung tembang aser iba sülen final nung point 435 nguteta bronze medal koktetogo. Iba asaya nung Italy nunger tarep Sofia Benetti aser Marco Suppini nati Gold medal angu aser Iran nunger tarep Sadeghian Armina aser Mohammed Amir Nekounam nati silver medal angu.
Maneni kasa asaya nung India nunger tarep Elavenil Valarivan aser Hriday Hazarika nati point 829 nguteta jenjang 13buba nung tembang.
International Shooting Sport Federation (ISSF) tournament anogo pezübuba tashi nung India nungeri gold asem, silver asem aser bronze asem kokteta lir.
Medal tally nung India team Korea, Russia sülen China den tasembuba jenjang nung lir. Ajisüaka junior temi medal anguba ajanga senior shooters tem dak temulung masüba meyimbanga meyuteter. Iba asayamung ya 2020 Tokyo Olympics atema qualifying event mezüngbuba lir aser tanü agi anünübuba India nungeri iba asayamung nung shilem agitsü asoshi maongka monguteti lir.