Paper mill atema Tuli mokdangtsü

Dimapur, March 12 (TYO) :  Tuli paper mill tanaben shia arudaktsütsü asoshi Tuli Area Joint Council Forum-i Nagaland chief minister aser ketdangpurtem nem February 17, 2016 nü senden ka mena tezüluba nung agütsüogo.
Iba tezüluba nung sorkari anogo 30 nü tsüngda telangzüba agütsütsüla ta metetdakja lir aser iba anogo 30-ji March 24, 2016 nü atemer, anungji iba tsüngda sorkari telangzüba tajung magütsüra, March 25, 2016 anogo nungi tenzüka anogo telatet kecha melii Tuli area mokdangtsü ta  TAJCF sangdong ka nung tir Wb.O.Benjong Jamiri metetdaktsüogo.