Papua New Guinea nung menoknok anok

Sydney, Rongchii 07 (Agencies) : Tanü Küptoknü Papua New Guinea highlands nung menoknok tesashi ka anokogo aser ibaji asadangba nung 6.3 magnitude liasü, ta U.S. Geological Survey (USGS) ajanga metetdaktsüogo. Ita ana tejaklenang kasa region nung menoknok (7.5 magnitute) kanga sashia anoker liasü.
Iba osang zülu tashi nung kiojen raksaba mesüra asüama ajuruba osangbo kecha maliasü.
USGS ajanga ashiba agi, Enga province kübok Porgera nungi anüolentip tsütsü kilometer 82 pilar ali telungleni kilometer 47 lur aliba tesem ka tiyongtsü ser menoknokji anok.
Mezüngbo menoknok anokbaji asadangba nung 6.5 magnitude liasü ta European quake monitor EMSC ajanga metetdaktsü saka tatsüka lir USGS-i ibaji jangjashitsüogo.