P&AR-i Pension Adalat indang workshop ayongzüktsü

Dimapur, Luroi/August 30 (TYO): Department of Personnel & Administrative Reforms (Pension Branch) ajanga Multi-Purpose Hall, ATI, Kohima nung Rongjui/September 5, 2018 nü anüngdang 11:00 ako nungi Pension Adalat indang workshop ka ayongzüka akatsü, ta department sangdong ka ajanga metetdaktsü.
Iba sentong ya Commissioner & Secretary, P&AR, Abhishek Singh, IAS ajanga ketdangsüa agitsü aser paisa iba sentong okila jembitsü, ta sangdong nung shia lir.
Iba sentong nung shisalen sayur ya Deputy Accountant General Nagaland, Kahoto Yepthomi, IA&AS aser OSD Finanace Department Nagaland, Taliremba na alitsü. Shisalen sayuri iba sentong nung Pension Adalat indang inyakyim aser nükjidong nung ajemdaker jembitsü aser kasa sentong nungsa Pension Grievances nung sensaksem akatsü, ta department sangdong ajangasa ashi.