Para Legal Volunteers-i anogo ananü sentong agi

Dimapur, November 2 (TYO) : Nagaland State Legal Services Authority (NSLSA)-i Legal Services Authority kübok Nagaland ajungalen anogo ananü Door To Door Campaign sentong ayongzüka agi.
Teküpoktiba jenjang tashi nung Legal Services aser Access to Justice osang prokshitsü nükjidong nung iba sentong agi.
Mass Door To Door Campaign mezüngbuba anogo nung Para Legal Volunteers-i kilen shia sema senzü aser iba mapang public-i kanga yaritepa liasü. Iba mapang Para Legal Volunteer shiai kilen 20-30 tashi sema senzü, ta NSLSA sangdong ka nung metetdaktsü.
District Legal Services Authorities-i Panel Lawyers teyari agia courts, police department, Government office, arogo, School, college, Colony aser yimtsüng nung iba mapa inyak.