Para Medical, Kma nung ganja apu

Kohima, Tsüklai 09 (TYO): 9th Kohima Town A/C kübok Magistrate Lisepi OSD Higher Education leniba nung Flying Squad team-1-i Tsüklai 9, 2018 nü ajungbena mita aoba mapang nung Para Medical junction, Kohima nung tetsür ana ket nungi ganja seret 60 puogo, ta tanü osang ka ajanga metetdaktsü.
Mesolomi Village nungi Atso’er jala, Apey aser Mesolomi Village nungi Wekope’er jala, Alhi nati gari- No. NL 01-T-9065 nung item ganjaji bena liasü.
Tena den ganja aser gariji South Police Station ket nung agutsüogo, aser tena anema ken o ka benokogo, ta kasa osang ajanga metetdaktsü.