Parineeti, Alia, Katrina aser tangartemi Houston nunger peladaktsü

Houston, August 13, 2016 : Actor Parineeti Chopra, Alia Bhatt, Sidharth Malhotra, Katrina Kaif aser Varun Dhawan nunger den film yanglur Karan Johar nunger Bollywood fever proktsü atema US nung lir aser parnoki Houston nungi tenzüka iba inyakyim tenzüktsü yangji lir.
Parnok-i ‘Dream Team’ ta tenüng agütsür iba sentong agir aser Hokolbarnü kenten sentong ka agia tenzükogo.
Parnok US nung Houston-i tayimtsü nung aoba mapang, Katrina-i par telok ajak aliba video ka Twitter ajanga lemsatep. Iba video tatem nung Katrina-i shilem agia aliba “Baar Baar Dekho” film nungi “Kala chashma” ken nung parnok tsüngsangba adoka lir.
Parnok shilem magi tsüngda Varun-ia, pa noksa ka Twitter nung lemsatep.
“Yipru tulu arutsü anasa süngjema akümba ama ‘Dream Team’-i tan mezüngsüa iba sentong agitsü yongya atar,” ta pai pa noksa teküpoklen zülur Instagram aser Twitter ajanga lemsatep.
Tepela marem Karan-ia, “Hey Houston, Dream Team arua tongogo aser onoki taonung sabang nung sayutsü,” ta Tweet asü.
Dream Team telok yagi Oakland, Orlando, Hoffman Estates, Inglewood aser Newark yimtitem nunga parnok sentong agitsü.