Parineeti Chopra-i Sania Mirza moatsü

November 22, 2015: Bollywood actress Parineeti Chopra-i India tsür tennis asayar tajungtila, Sania Mirza tarutsü asayatem nung takok angutsü asoshi la meyong racket agi moatsü.
“Ladies vs Ricky Bahl” film nung shilem agilai moaja tangokba noksa ka, Parineeti-i twitter ajanga lemsatep.
Noksa den külemi Parineeti-i, “Lai kü temoatsü menüngdaktsüa akok, ajisüaka ni la nem temoatsü jazüktsüogo!! La meyong Racket agi la nemsa ni moatsü,” ta twitter nung zülu.
Sania ya tang tetsür nisung ana na ser asayaba tennis nung World No 1 lir. Lai international asayamung aika nung takok ngua iba jenjang tongtetba ajanga linük ajungkettsür aser tanga linüktem dang nema tangteter.