Paris amakdang ‘Eagles Of Death’ Manager asüba jangjaogo

November 16, 2015: Essex, Colcherter nungi Nick Alexander, shiba Fall Out Boy aser Sum 41 dena inyaksema liasü aser ‘Eagles of Death Metal’ kentener telok atema merchandise manager teinyaktak liasü, pa-a kiralongrartemi Paris yimti amakba lendong nung kiralongrartemi kahsetba osang jangjaogo.

Hokolbar aonung kiralongrartemi Paris nung tesem ishika amakba lendong nung tang tashi nung nisung 132 süogo.

Iba lendong nung asürtem rongnung mezüng jangjasangji, Nick Alexander lir, ta sangdongogo.

Kiralongrartemi Bataclan concert Hall amakba mapang America nunger rock band ‘Eagles of Death Metal’ kenten sentong tagitak liasü aser iba sentong nung Merchandize manager, Alexander-a liasü.