Paris Jackson-i tebu Michael Jackson noksa ka ayak atep

Los Angeles, May 24, 2016 : Michael Jakson’er jala Paris Jackson-i tebu indang noksa ka ayak teplokogo, ta entertainment osang ajanga metetdaktsü.

Paris-i tebu, King of Pop, Michael Jackson bilemtettsü atema tan agi ayak anabuba ateper asütsü. Lai Instagram ajanga tan atepba ayak lemsatepogo.

Tebui 1991 küm adokba “Dangerous” kensep nem tetushi agütsüba temaitsü lai iba kensep indang noksa kasaji ayak teplok. Iba noksa nung tebui shiti, shigo aser tutiozü keta aliba korang ka semer pa tenük kija ngua tangoka lir.

Arishi küm 18, tain, Paris-i, “Taküm aliba tettsüji asen yimya tilatiba agi dena sayur. Taküm aliba rangben agi asen taküm aliba tetettsü tema adoka metetdaktsür. Na kong nungi poktetar ibaji kodanga mamai nema tanga bilemtsüla,” ta ashi.