Paris lendong ajanga U2 sentong ati

November 14, 2015: Ireland nunger kentener telok U2 Honibarnü (November 14) Paris nung concert sentong ka akatsü liasü saka linük yimtiba nung lendong ataloka nisung 127 shi asüba ajanga parnoki iba sentong thinenogo.
“France nung tang lendong atalokba ajanga, November 14 nü U2 teloki Paris nung concert sentong ka agütsütsü aliba thinena adar,” ta U2 teloki parnok website ajanga Hokolbarnü lemsatepogo.
Iba kentener telok ya alima nung aliba nüburtem rangbeni kanga tushia aser sapua amshiba telok ka lir aser parnoki tan thinenba sentong ya mapang tajung ka nung, iba concert TV nung ‘live’ yoktsü aliba channel HBO aser sentong ajungkettsürtem dena akatsü, ta shisem.
U2-i Paris nung Mongulbar aser Bodhbar aonung nabo concert agütsüogo aser Deobarnü ano concert ka agütsütsü sentong yangluogo, aji oda süaka iba sentong agitettsü asü magitettsüar ano ashitsü makok, ta www.U2.com website ajanga metetdaktsü.
Paris nung aliba Bataclan concert hall, restaurants aser bars tem nung Hokolbarnü memetetba nisung kari prangpong agi kah yonga arua nisung 127 shi kahset aser nisung 180 shi yirutsüba den ano nisung kar pu’er aoba ajanga parnoki iba sentong thinena liasü.