Paris lendong ataloktsür ta temulung malemer 2 apu: Austria

Vienna, December 16 (Agencies): Taoba November ita Paris nung nisung 130 shi tepseta lendong ataloktsür rong nung densem ta temulung melemi bilemba nisung 2 apuba osang ka Austria sorkari metetdaktsüogo.

“Paris lendong atalokdaktsür ta temulung melemi bilemba nisung anaji Salzburg nung tentetba migrant nisungtem jenokdak taoba hopta tatembanglen apu,” ta Austria State Prosecutor, Robert Holzleitner-i tanü osang jangjashitsü.

Taoba November ita 13 nü Paris nung lendong atalokdaktsüba ken o nung ajemdaker tan apuba nisung ana anema bushisüngdang tenzükogo ta pai shisem.