Paris Masters: Andy Murray quarterfinal-i iogo

Paris, November 05 (Agencies): Britain nunger Andy Murray-i Belgium nunger David Goffin madak takok ngua tang tasayadak Paris Masters tebur singles shilem indang quarterfinal asayatsü jenjang tanü Brehostibar nü nguogo.
Tan asayamong nung tanabuba jenjang abensang, Murray-i tanü points 6-1, 6-0 ngua Goffin ayong ayonga tsükdaktsü.
World No. 3, arishi küm 28 tain Murray-i tan asayamong nung 10 buba jenjang abener, France nunger Richard Gasquet den quarterfinal nung ajuruteptsü.
Paris Master asayamong ya alima ajunga nung tennis asayar tajungtiba 8-i shilem agia küm tatemlen asayaba ATP World Tour finals London nung asayba jakdang asayaba tatembangbuba ATP asayamong lir.
Ano külen, Japan nunger Kei Nishikori-i Gasquet den 3 buba round asaya nung shilem agidang pa tekong yirua iba asayamong nung joko shilem magitettsüsa jenjang tanü anguba osang jangjaogo.
Tan asayamong nung 6 buba jenjang abensang, Nishikori-i points 6(3)-7, 1-4 ngua alidang tanü yiruba yong pai joko masayatettsüsa küma Gasquet-i tanü asayaji akok.