Paris Masters: Djokovic o Murray na quarter tongogo

Paris, November 04 (Agencies): Serbia nunger tennis asayar mongin, Novak Djokovic aser Britain nunger Andy Murray nati takok ngua, tang tasayadak Paris Masters tennis asayamong nung yashi, Brehostibar nü shilem agiogo.
Tebur World No. 1, Djokovic-i points 4-6 6-2 6-3 agi Bulgaria nunger Grigor Dimitrov par 3 buba round asaya nung tsükdaktsü.
Djokovic-i par quarterfinal asaya Croatia nunger Marin Cilic den asayatsü lemzükogo.
Cilic-ia yashi points 6-3 7-6 (9) agi Belgium nunger David Goffin madak takok ngua, quarterfinal asayatsü jenjang angu aser iba ajanga pai teshimtet tebur tennis asayartem atema ayongba ATP World Tour Finals nung shilem agitsü temeten ngua liasü.
Murray-ia points 6-3 6-0 agi France nunger Lucas Pouille ayong ayonga tsükdaktsüba sülen Czech Republic nunger Tomas Berdych den quarterfinal asayatsü jenjang nguogo.
Berdych-ia points 6-4, 6-3 agi France nunger Gilles Simon tsükdakja liasü.
Tan asayamong nung 4 buba jenjang nung alisang, Canada nunger Milos Raonic-ia points 4-6 6-1 6-2 agi Uruguay nunger Pablo Cuevas tsükdaktsüba sülen France nunger Jo-Wilfried Tsonga den par taruba asaya asayatsü lemzükogo.