Paris Saint-Germain teloki French Ligue 1 otsü tasen yanglur

Paris, February 04 (Agencies): Defending champions, Paris Saint-Germain (PSG) teloki goal 3-1 agi FC Lorient telok madak takok anguba sülen France nung ayongba football asayamong, French Ligue 1 otsü tasen ka yashi, Bodbar nü yangluogo.
Yashi takok angubaji densema, PSG teloki asaya 33 buba atonga takok anguba otsü yanglua liasü.
Yashi asaya tenzüker minute 6 buba nung Edinson Cavani-i par PSG telok asoshi mezüngbuba goal agütsü.
Ajisüaka, Lorient asayar, Rapheal Guerreiro-i asaya mezüngbuba shilem nungsa goal 1 agüja par telok anaprongla kasa jenjang kümdaktsü.
Tesülen, asaya tanabuba shilem nung Zlatan Ibrahimovic aser Layvin Kurzawa nati goal kaka agütsüba yong par PSG teloki goal 3-1 agi asaya kokadok.
Yashi takok anguba sülen PSG teloki ajak agi points 66 ngua French Ligue 1 asayamong nung shilem agir telok tarensen nung temaba jenjang nung lir.