Parliament August 7 tashi atsülanger

New Delhi, Chiteni/July 25 (Agencies): Centre sorkari August 7 tashi Parliament senden atsülangtsü atema telemtetba agiogo, ta tanü ketdangsertem osang ka ajanga metetdaktsü.
New Delhi nung Cabinet Committee on Parliamentary Affairs senden amendang iba telemtetbaji agia liasü, ta kasa osang ajanga metetdaktsü.
Yashi Parliament nung Information & Broadcasting Minister, Prakash Javadekar-i, Parliament senden ya ano anogo ishikabo atsülangtsüla ta opposition-i par sorkar aliba mapang nung takhangba agüja aruogo, ta metetdakja liasü.
“Tangbo onokia yamaji inyaker,” ta pai ashi.
Parliament senden ya June 17 nü tenzük aser asüng July 26 nü tembangtsü liasü, ajisüaka August 7 tashi atsülangogo.