Parliament Budget Session nung ghonda 250 akoksa

New Delhi, Rongchii (April) 6 (Agencies): Rogonü (Hokolbar) Parliament nung Lok Sabha aser Rajya Sabha naprong nung senden tembangogo aser tan Budget session nung ghonda 250 shi amajok nung süidaktsü.
Rajya Sabha nung tasüngdangba 19 benokba nungi Minister temi 5 atema dang tebang agi telangzüba agütsü aser Lok Sabha nunga tasüngdangba 580 benokba nungi 17 atema dang tebang agi telangzüba agüja liasü.
Lok Sabha nung Opposition teloktemi lungkak aitba manen aser parnokisa sorkar anema no-confidence motion tem benok saka magizük.
Sorkar anema lungkak aitba onüktem rongnung- Andhra Pradesh nem special status, bank ochimashi ken o, Cauvery water management board takhangba, kürakyanglutem raksatsüba, Supreme Court-i SC/ST Act tetuyuba agütsüba meyipa reprangshitsü aser Uttar Pradesh kübok Kasganj nung tensa indang liasü.
Metsüremi (March) 5 nungi Budget session tanabua shilem tenzük aser ajak agi senden 22 ben amen saka senden teimba ka magiteti anen.
Tan session nung Finance Bill 2018 dena bill pungu dang benoka agizük.