Parliament senden jilia LS Speaker-i party ajak senden ayong

New Delhi, November 14 (Agencies): Bodhbarnü nungi tenzüka asükwa mongpu Parliament senden tenzüktsü lia Hombarnü Lok Sabha Speaker, Sumitra Mahajan-i party ajak senden ka ayongzüka amen.
Senden tiptema katettsü atema o lemteptsü asoshi lai iba senden ayonga liasü.
Ano Centre sorkaria Mongolbarnü party ajak senden ka ayonga lir, aser iba senden nung House anaprongla nung senden junga katettsü atema o lemteptsü.
Asükwa mongpu senden ya November 16 nü tenzükbaji December 16 nü tashi amentsü.
Deobarnü Lok Sabha nung opposition lenir, Mallikarjun Kharge-i, Parliament senden nung Congress MP temi temzüng 56 aser 193 kübok tawa sen note anentsüba onük süoka jembitsü, ta metetdakja liasü.
Ano Rajya Sabha opposition nung Deputy lenir, Anand Sharma-ia, Rajya Sabha nung temzüng 267 kübok kasa onük jembitsü ta metetdakja lir.
Maneni Rajya Sabha nung opposition lenir, Ghulam Nabi Azad-i temzüng 267 kübok Kashmir tensa mesüngjemtetba onük süoka jembitsü, ta metetdakja lir.