Parliament senden July 17 nungi August 11 tashi amentsü

New Delhi, June 24 (Agencies): Linük Tir election agiba anogo, July 17, 2017 nü tzüngluru mongpu Parliament senden tenzüktsü aser August 11 nü tembangtsü, ta tanü sorkari metetdaktsü.
Cabinet Committee on Parliamentary Affairs (CCPA)-i Parliament senden July 17 nungi August 11 tashi amentsü atema benokogo, ta committee osang ka ajanga metetdaktsü.
Yashi BJP-i aniba NDA Tir candidate, Ram Nath Kovind-i election atema tenüng agütsüba sülen yasüng Union Home Minister, Rajnath Singh leniba nung CCPA senden mena liasü.
Parliament mezüngnü onük benoka mejembitettsüa akok, kechiyong MP ana — Lok Sabha züngsem, Vinod Khanna aser Rajya Sabha züngsem Pallavi Reddy na asüba atema asür nem akhüm agütsütsü.