Parliament Winter Session Dec 11 nungi Jan 8 tashi alitsü

New Delhi, Yimpoksüi (November) 14 (Agencies): December 11, 2018 nü state pungu nung Assembly elections indnag votes azüngba anogo nungi Parliament indang Winter Session tenzüktsü.
Mongulbar aonung Cabinet Committee on Parliamentary Affairs (CCPA)-i December 11 nungi January 8 tashi Winter Session agitsü tebilemba lemsatep, ta sorkar osang ka ajanga tanü metetdaktsü.
Sangküm Lok Sabha elections matongdang Narendra Modi-i aniba sorkar atema iba ya Parliament session tatembangba asütsü.
State pungu Assembly elections nung BJP aser Congress teloktemi takok tulu angutsü ta imlar aser iba ajanga parliament session nung kongshitsü. Madhya Pradesh, Rajasthan, Chhattisgarh, Telangana aser Mizoram nung assembly elections indang results ji December 11 nü azüngtsü.
Minister of State for Parliamentary Affairs Vijay Goel-i ashiba agi, session agitsü anogotem osang jangjatsü aser working days 20 alitsü ta shisem.
“Parliament nung Winter session tiptema agitsü atema party ajaki yaritsü mepishir” ta Goel-isa metetdaktsü.
Parliament indang Winter Session ya November nungisa tenzüker. Ajisüaka, December nung agiba ya taküm agi tanabenbuba asütsü. State pungu nung Assembly elections agiba ajanga taküm mapang melenshi.