Parliament winter session nung CAB benoktsü

Guwahati, November 15 (Agencies): Hombar (November 18) nungi Parliament indang winter session agidang benoktsü atema Centre-i bill tasen 27 renemdar aser iba nung Citizenship (Amendment) Bill dena lir.
Parliament indang winter session ji December 13 nü tembangtsü.
Sorkari Parliament dang CAB benoktsü tebilemba lir ta osang sangoktsüogo.
Union home minister Amit Shah dena BJP lennir aikati Pakistan, Bangladesh aser Afghanistan nung non-Muslim nunger nem senso agütsütsü atema CAB benoktsü ta shiogo.
Iba Bill ajanga Overseas Citizen of India card indang registration agientsü akok. Ajisüaka, nisung aikati aser talisa Northeast nung alirtemi CAB magizüker aser bill anema lungkak aityonga arur.