Parnok tejang agi nenoki parnok metettsü (Mathi 7:20)

Tebusangtem, shinga nema nenok mashileni tanishidaktsü: shibai temeshiba benshir pa komama temeshi lir, paa aji oda temeshi (1 Yn. 3:7). Tzü apokdak kasai tzü tanang aser tako adokdaktsür ama? Kü adianutem, mungudongi totzü süngjang, mesüra tsükmenatsü zü nung mungu jang tangtettsü ama? Mesüra metsü tzü apokdaki tzü tanang madokdaktsütet. Nenok rongnung teshiteter aser tangatetter shiba lir? Pai pa taküm tajung agi shisatsü ajemaluba nung pa mapa sayudakjang (Yakob 3:11-13). Bendangertemi koba indang nenok mapa tamajung inyakertem ta nenok anema jembir, iba indang nung parnoki nenok mapa tajung ngur, tesemdangba anogo nung Tsüngrem sentsüwangshidaktsütsü asoshi, parnok rongnung nenok jakla liru tajung süang (1 Peter 2:12-13). Süngdong aser pa tejang tajung kümdakjang, mesüra süngdong aser pa tejang tamajung kümdakjang; kechiaser süngdongji pei tejang agi shitetter, nisung tajungi pei akaba tajung nungi oset tajung agitetter, aser nisung tamajungi pei akaba nungi oset tamajung agitetter (Mathi 12:33,35).
Kü tsükmenatsü lu asoshi ni kechi inyak iba dak tali ano kechi inyaktet? Ajangla, kechiba ni tsükmenatsü tejang yimla alidang iba jagi arem tsükmenatsü tangtsü? (Isa.5:4).
Temeim Tsüngrem, kü taküm jakla liru aser mapa tajung agi alima nung sentsüwangshidakja litettsüsa Ne taochi kü nem kua. Amen.