Pasighat nung tapoktsü osettem angu

Pashighat, Mongputeni (October) 23 (Agencies): Arunachal Pradesh kübok Pasighat nung Siang ayong nung tapoktsütem kar angu anguba sülen nisungtem terata ka nung lir.
Siang ayongküm nung anasa cylinders, iron barrels aika ngutet aser oset kar nungi Chinese label keta lir. Chinese oshi agi zülua aliba ajanga nisung shingaia kechi zülua ali’ar mejangjateter.
Iba ajanga iba temeket nung alirtem tsübuteper. “Tezülubatem nung lendong tamaitsü noksatem lir saka onoki kechi zülua lir’ar mejangja. Onok tetsübu tia ka nung lir” ta iba tesem nung alir J Taying-i osangbener dang ashi.
Taoba Hokolbarnü Tibet nung anentsüh lapokba sülen tzü yimzüka aludang osettemji China nungi ponger aruba asütsü akok ta Arunachal nunger aikati bilemer.
Osangbenertemi Arunachal Pradesh DGP SBK Singh den iba osang jangjatsü atema metetpela saka pai osang kecha mangazük ta langzü.