Pastor dang sen akhangba aitsür : PTPF

Phek, September 04 (TYO):  August 31, 2015 nikongdang 3:00 ako meta NSCN (R) nung Deputy Kilonser, Finance, Pholami  nunger Kuzoveyi Kezo den par telok züngsem kari Phek kübok Pfutsero jila nung Nepali Baptist Church Pastor, Krishna Ramauli dang tashiyim agi sen 10,000 akhangba mapa tamajung kukua aitsür, ta Pfutsero Town Pastors’ Fellowship (PTPF)-i sangdong ka ajanga metetdaktsü.

Pastor ka mapaji Tsüngrem O jembiba dang masü saka pa kübok aliba santem tai tesayuba nungi kümzüktsü, teti sarasademja ochi tesayuba agütsütsü, nüburtem nem sarasademtsütsü aser temenen nungi jenbua alitsü atema lir. Ajisüaka Pastor ka dak meimchir dak maketba yimya benshiba ya kanga tejashitsüka. Aji dang masü parnoki pa prangpong-a amshia kahsettsü tashi amokmeren, ta PTPF sangdong nungsa shia lir.

PTPF mendenbuba, Poyo Tunyi aser Tongti Tezülur, Kapfo nati NSCN (R) ketdangsertem dang, parnok  züngsemtem azüoka ayutsüla, ta mepishiogo.

Naga lokti den meputepa iba mapa tamajung ya senso tajung ajaki aitsütsüla, ta PTPF-isa mepishia metetdaktsüogo.