Pastor mapa nungi anisüngzük angur

Pastor ka tanurbo mali, Arogo ka nung küm 40 tashi inyaka pa arishi küm 75 ajungba mapang mapa nungi farewell agidang Arogo nungi gratuity Rs. 80,000/- agizüker, kinüngtsü küna kong jenoktsü ta rataa alidang, kibong kati nüna masü tashi ozü ki tazüng ka lir para ang magili ta sür yangji lidaktsü. Pastor ba kiseni pelashishia aidang Tsüngrem nem tenüngsang agütsüdi ta ser Laishiba lapoka azünger.
Mezüngbuba : T. Mapa 20:30 “Tagizükba dang nungibo tagütsübaji tali temoatsüba lir.”
Tanabuba : Yihusua 24:13 Aser linük ka kechi nung nenok mebelem, koba yimtitem nenoki meyanglu aser kong nenoki tsükmenatsü aser olive süng metsünüi achir, ni nenok nem aji agütsütsü aser idakji nenok alir.
Tasembuba : T. Kunem 6:10-12 Kodang Kibuba ne Tsüngremi nenok tsürabur Abraham, Isak aser Yakob dang nenok nem agütsütsü azüngashiba lima yimti tulu aser tajungtem koba mebendenba osettem agi ki sünga, nenoki matuba tzübotem, nenoki matemba tsükmenatsü aser olive nungi nenoki jangratema chidir, idangji Ijip alar tia nungi anitetba Kibuba mamai alitsü kümdangang.
Pezububa : Lipok 13:3 Shiri na moatsüdir, ni parnok moatsütsü aser shiri na atakatemdir ni parnok atakatemdi, aser na ajanga ni alima meimchir ajak moatsüdi.
Pungububa : Mathi 25:40 Idangji Chubai parnok dang langzütsü, “Atangji ni nenok dang ashir, item Kü adianu tilatiba rongnung ka dang tanga nenoki kechi inyak aji nenoki kü dang inyak.
Trokbuba : Lk. 6:38 Agüjang, nenok nem agütsütsü, nenok nem tatakzük dang tali nemshia, moshia ataker agütsütsü, kechiaser kechi touzük agi nenoki ozüktsüdir, aji nenok nem meyipa ozüktsütsü.
Tenetbuba : Apijemtsü Shin 11:24-25 Nisung kati mokurui agütsür, saka tali akar; tejungnüba takümji kaa kümdaktsütsü, shibai tzü ainer pa dak tzü indaktsütsü.
Iba sülen, Pastor bai tagütsür ki kibur dangi oa Laishiba ka zünga pa dak nemeta sarasademtsür. Yob 5: 25-26. Mendi tashi kümerang asükba medem, na tambur kümerang lepi aitsü. Ne metsü ulutsütsü ta nai metettsü, aser alima nung ai ama ner chirtem alitsü.
                                                         LILI: Solomon, Dimapur