Patna anasa rong lendong nung nisung 24 asü

Patna, January 15, 2017: Bihar yimtiba, Patna nung aliba Ganga ayong nung rong ka meküpokba sülen Deobarnü NDRF sepaitemi teyaritep mapa inyakba noksa nung angur.

Patna, Jan. 15 (Agencies): Deobar nikongdang Patna nung NIIT Ghat anasa Ganga ayong nung rong ka meküpokba lendong nung tajemba agi nisung 24 süogo; iba rong nungji nisung 40 shi mena liasü.
Amrit, DIG Shalin aser Patna District Magistrate, Sanjay Kumar Aggarwal na ayongküm anasaji anenzüker teyaritep mapa inyakba ketdangsüdar.
Rong nung passenger temji ‘Makar Sankranti’ dak sentakba sentong, kite festival nung denner Sabalpur nungi Patna kübok Ranighat-i meyipa arudang iba lendongji atalok.
Rong nung mena alir karbo tzü wadanga arua kümzük, aser karbo tang tashi menguteter.
Bihar Chief Minister, Nitish Kumar-i asüko osang lemsatepba den külemi iba tatalokba bushisüngdangtsü tuyuogo.
Paisa asür kibong shia nem sen lakh 4 agütsütsü atema tuyu.