Patna nung Nawada yimtak tsüngi agi nisung 6 aiset

Patna, July 24 (Agencies): Patna nung kilometre 150 shi pilar aliba Nawada yimtak alu nung inyaka alir nisüng pezü tsüngi agi aiset. Par pezü ya parnok ki anasa aliba pei-pei lu nung inyak tiyalung nung tsngü tesashi alua aiset, ta district ketdangsertemi ashi.

Ano Jamui tesen nunga nisung ana kidangi meyiba tarui le tom nung tsüngi agisa aiset.

Osang ajanga ashiba agi, Kaimur district nung Brihostibar nü nisung ana tsüngi agi aiset.

Meteorological department nung ketdangsertemi ashiba agi, Bihar nung tsüngi agi nisung aisetba ya tang tasen masü. Küm shia June ita nungi September ita tashi nung iba amala taküm laluba lendong ataloker.