Patralekha-i kar taküm otsü film nung shilem maginer

Mumbai, March 20, 2016 : “Mary Kom” aser “Bhaag Milkha Bhaag” film tem takok anguba sülen Bollywood nung tang nisung kar taküm otsü dak ajemdaker, film kanga yanglutepba tensa ka agi amshia lir. Ajisüaka  “Citylight” film nung shilem agila Patralekha-i ashiba agi, laibo iba ama film mejangrar.
“Ni tangar taküm otsü indang film nung kodanga shilem maginer. Actor ka ama ni iba amala film nung shilem agitsü atema kangasa terenemshiba nüngdaker. Iba amala film nung shilem agitsü atema na actor kangasa tajung ka asütsüla. Anungji nibo tangar taküm otsü indang film tem nung shilem magitettsü südi,” ta Patralekha-i osangbenertem dang ashi.
Tangar taküm otsü indang film box-office nung tan tesüsa sayabaji Sonam Kapoor-i shilem agiba ‘Neerja’ film lir.
Patralekha-i national award angusang Rajkumar Rao den Hansal Mehta-i direct asüba film ka nung mezüngsüa shilem agitsü tenzük aser tang Vikram Bhatt-i direct asüba  “Love Games” film nung Romana ama shilem agitsü sentong lir.
Kasa film nung actor tasen ana, Tara Alisha Berry aser Gaurav Arora nungera shilem agitsü aser iba film April 8, 2016 nü sayatsü.