Patton-i Kohima district nung police battalion tem semdang

May 18, 2016 nü DEF Kohima nung Home Minister Y Patton, DGP LL Doungel, IGP (Range) LB Lemtur nunger den Senior SP Kohima Joseph Hesso aser ketdangsertem agiba noksa angur.

Kohima, May 18 (TYO) : Bodbarnü Nagaland Home Minister, Y Patton-i state police aser Indian Reserve Battalions indang battalion headquarters aser units ajak “Plastic Free Zone” asütsü ta sangoktsüogo.

Kohima district kübok aliba 10th Indian Reserve Battalion, Zhadima, 4th Nagaland Armed Police (NAP), Thizama aser District Executive Force (DEF), Kohima semdangba sülen Home Minister-i iba osang metetdaktsü.

Plastic ajanga alima menentsüba aser raksatsüba khuret atema süoki ia bilema Y. Patton-i Commandant aser Superintendent ajak dang iba tetuyuba mapa küma inyaktsü metetdaktsüogo.

Home Minister, Y Patton-i Nagaland nung NAP, IR battalion aser DEF ajak semdangtsü sentong ka tenzüka inyaker aser tanü pai Kohima district nung aliba police headquarters aser battalion tem semdang.

Taoba ita ka tsüngda Y Patton-i district 11 semdanga senzü aser iba mapang pai battalion aser DEF tem nung ajuruba khurettem metettsü merang

Khuret ajak rongnung taküm inyaktsü atema shimbaji tzü aser gari lenmang atema lir aser Commandant o Superintendent of Police temi pei pei khuret lemsatepbatem shilem lemsar inyaka aotsü, ta tanü Home Minister-i ashi.

Tanü Y Patton den Director General of Police LL Doungel, Inspector General (Range) LB Lemtur aser Executive Engineer of police Engineering Project Jenithung nungertem liasü.