Paul McCartney-i kentenba sentong nung shilem magitsüngda yi majemer

London,July 4 (Agencies): Beatles nung nüngtugu kentener Paul McCartney-i ashiba agi, pa kentenba sentong nung shilem magitsüngda yijemba yimya toktsüogo, kechiyong pa yi jemra ken nung ojangtem amadoktsü.
Yi ajem doktsüba sülen pai shilem magi tsüngda chocolate raisins aser salted cashew nuts tekabu ka achir, ta kentener-i ashiba osang ka ajanga metetdaktsü.
Pa dang kentenba sentong nung shilem magitsüngda süngjema kümdaktsütsü asoshi yi ajemtsü jangrara mejangrar ta asüngdang dang McCartney-i ashiba agi, “Ni taoba mapangtem nung merangdangogo talisa lanuwa mapang tour senzüdang, saka ni yi jemra ken nung ojangtem amadoker.”
Paisa ashiba agi, par bandmate temi show nung shilem magi tsüngda “red wine” ajemer.
“Ni kentenba sentong nung shilem magi tsüngda kecha machir mesera yi majemer, kechiyong ni pongbapongba linür. Iba sülen ni tera ajemtsü akok. Ajisüaka ni shilem magi tashibo yi majemer. Kü indang dressing room nung chiyongtsü chocolate covered raisins aser salted cashews nunger amala yua lir aser itemji tera achir,” ta McCartney-i ashi.