Paul McCartney-i ‘Pirates of The Caribbean’ tasenba nung shilem agitsü

April 01, 2016: Kentener telok Beatles nung züngsem, Paul McCartney-i actor, Johnny Depp den külemi ‘Pirates of the Caribbean: Dead Men Tell No Tales’ film tasenba nung shilem agitsü.
Arishi küm 73 tain aser nüngtugu kentener Paul-i, 5buba ‘Pirates of The Caribbean’ tarensen nung shilem kabosa agitsü, ta Deadline osang ajanga metetdaktsü.
Iba film nung Johnny Depp-i Captain Jack Sparrow ama shilem agir, Geoffrey Rush-i Barbossa ama shilem agir aser Javier Bardem-i Captain Salazar ama shilem agir. Brenton Thwaites aser Kaya Scodelario nati shilem tasen agitsü aser Orlando Bloom-i Will Turner ama shilem agitsü.
Iba film ya production tembanga inyakogo, ajisüaka director ana- Espen Sandberg aser  Joachim Ronning nati McCartney-i shilem agiba ka inoksemtsü.
Pitrates indang film nung kentener kati- McCartney-i shilem agiba ya tang mezüng masü saka ‘At World’s End’ aser ‘On Stranger Tides’ film nung Rolling Stones nung guitar atemsang, Keith Richards-ia Sparrow tebu ama shilem agia lir.