Pawan Hans chopper ka UP nung ajungbena anen

Ghaziabad, August 20 (Agencies) : Honibarnü Agra-i aoba Pawan Hans helicopter ka technical timtem adokba agi Uttar Pradesh Ghaziabad district kübok farm ka nung ajungbena lua anen, ta police-i ashi.
Captain S. Kumar-i ania aliba, iba helicopter nung passenger asem—- S.K. Sharma, Krishna Kumar aser Jadhav Thar—-nunger mena liasü, ta Superintendent of Police (Rural) R.K. Pandey-i ashi.
“Helicopter nung technical timtem adokba osangji Air Traffic Control (ATC)-i police control room nem agütsü. Chopper nung mena alirtem nem teyari agütsütsü atema ATC onok dang ashi, ta pai ashi.
Chopper anisangi iba helicopter kanga junga alua anendaktsü, ta Pandey-i ashi.