Pawan Hans-i North East nung sen crore 1,500 endoktsü

Guwahati, September 25 (Agencies) : Sorkar meyong helicopter operator Pawan Hans-i North-East nung air connectivity tajungba kümdaktsütsü aser tourism ajungkettsü atema sen crore 1,500 endoktsü.
Pawan Hans-i Assam nung Guwahati tiyongtsü sür mapa inyaktsü sentong lir. Tang Pawan Hans-i Meghalaya, Tripura, Sikkim, Arunachal Pradesh, Mizoram aser Nagaland nung helicopter 12 amshia hopta nung flights 155 senzüdaktsür.
Sen crore 1,500 endoktsüba nungji helicopter aser fixed wings planes kar alitsü aser heliports o helipads yanglutsü ta Pawan Hans ketdangsertemi ashi.