Paytm-i SoftBank den sentong yanglur

April 19, 2017 (Agencies): Electronic ajanga senotsü tsütateper, Paytm ya sen billion $1.2 nungi $1.5 tashi tutsütsü asoshi Japan indang SoftBank Group den sentong ka yangluba mapang lir aser iba ajanga Paytm nung SoftBank indang shilem tuluba akümtsü, ta osangkaket ka nung Bodhbarnü agütsü.
Iba maparen ya tempangba ajanga Paytm indang jenjang sen billion $7 nungi billion $9 tashi agi timba akümtsü aser Paytm nung tang sen ‘invest’ süa alir telok, SAIF Partners indang shilem-a kar SoftBank ajanga alizüktsü.
Flipkart nung shilem kar den melenteptsü asoshi Snapdeal indang shilem kar SoftBank ajanga yoknür ta tawa osang ka ajanga ashi. Aser iba sentong ajanga Paytm-i Snapdeal indang Freecharge alizüktsü südi, ta kasa osang ajanga ashi.
India Ato Kelonser, Narendra Modi sorkari taoba küm November ita nungi tenzüka shidi sen tejenba amshitsü nokdangba sülen linük nung Digital paymen amshia senotsü tsütatepba nung terenlok kanga arudagi.