PB Acharya-i T.R.Zeliang nem tenüngsang agütsü

Kohima, May 25 (TYO) : Nagaland nung NPF teloki aniba DAN sorkar nung Wb. T.R.Zeliang chief minister sür pa leniba kübok küm ana ajungba takok asoshi tenüngsang agütsür ta Nagaland aser Assam angh Wb.P.B.Acharyai metetdaktsüogo.

“Nagaland nung nübortemi nü dak temulung lemteta lenitsü maongka agütsüogo, anungji nübortemi imlaba ama inyaktsütsü khuret tulu lir,” ta Nagaland angh-isa metetdaktsü.” ” Terenlok mapa meinyaktettsüsa tatartem rongnung tebilemba balala malitsüla aser sorkar nükjidongji yimjung aser terenlok asütsüla. Nübortem aser tatartem rongnung telongjem alitsüla. Telongjem ali nung dang yimten tebilemtsüa koktettsü,” ta Acharyaisa Chief minister, T.R.Zeliang nem tenüngsang agüja züluba shidi nung shisema lir.