PBL 2017 Final:Chennai Smashers-i 4-3 agi Mumbai Rockets akok

Delhi, January 14 (Agencies): Chennai Smashers-i 4-3 agi Mumbai Rockets madak takok ngua Premier Badminton League 2017 takok marok agizügogo.
PV Sindhu-i form nung alila Sung Ji-Hyun madak 11-8, 11-8 agi takok angu aser ibaji ajanga Chennai Smasher temaba jenjang leni anir atu.
Chris Adcock aser Gabrielle Adcock nati Nipitphon Phuangphuapet aser Nadiezda Zieba madak 11-9, 11-6 agi takok anguba ajanga Chennai Smasher aser Mumbai Rockets tsüngda 2-0 aküm.
Sindhu-i akokba ajanga Chennai aser Mumbai 3-0 aküm, saka Lee Yong Dae aser Nipithphon Phuangphuapet-i tebur tarep asaya akokba ajanga Mumbai-i tera agi Chenai memenepi 2-3 aküm.
Iba sülen match pezübuba nung Mumbai Rockets nungi HS Prannoy-i Chennai Smashers nungi asayar Parupalli Kashyap madak 11-4, 8-11, 11-8 agi takok anguba ajanga 3-3 kümdaktsü.
Tatemsaba match nung Chennai Smashers nungi Tanongsak Saensomboonsuk aser Mumbai Rockets nungi Ajay Jayaram na kanga junga asaya liasü. Saka 9-11, 11-7, 11-3 agi akokba ajanga Chennai Smashers-i Mumbai Rockets madak 4-3 agi takok angu aser par teloki PBL 2017 takok marok angu.