PBL: India tsür tongti asayar Nehwal-i Nitchaon Akok

Lucknow, January 05 (Agencies) : India tsür tongti badminton asayar Saina Nehwal-i Brihostibarnü Babu Banarasi Das Indoor Stadium nung tang tasayadak aliba 2buba Badminton League asaymung nung Delhi Acers asayar Jindapol madak trump match nung 14-12, 11-7 agi kokogo.
Iba takok ajanga Saina-i Thai tsürla ti ben atonga akoker.
Saina atema iba ya taküm asaya nung tanabenbuba asaya liasü. Asaya tetenzük nungbo Nitchaon-i 5-2 agi kokya liasü saka Sanai kanga meranga asayba agi 6-6 tashi menepa atu. Iba sülen pai ano maneni points ana angu, aser score 8-6 aküm. Tenaprongi kanga meranga asaya saka tatem nung Sanai-i 14-12 agi Nitchaon akok.
Tanabuba asaya nunga point asem agi Nitchaon Saina jakdang liasü saka Sanai tanem tanemi tajungba asaya, aser iba asaya11-7 agi lai akok. Iba takok ajanga Awadhe warriors tem nem talila point ana agutsü, kechiyong iba ya trump match liasü.