PDA-i Governor & Centre dang pelar

Dimapur, August 9 (TYO): Nagaland Governor R.N. Ravi-i Arrla 371(A) ya Nagaland nung alirtem den tenangzüktep takang ka lir ta ashiba pela agizüker, ta People’s Democratic Alliance (PDA)-i metetdaktsü.
India sorkari yimjung maparen tembangtsü atema meranga inyaker ta Ravi-i ashiba atema pelar, ta PDA-isa shisem.
Prime Minister Narendra Modi aser Union Home Minister Amit Shah na lenisüba kübok India sorkari August 6, 2019 nü Lok Sabha nung Arrla 371(A) nung lateta aliba onüktem nung mekongshitsü ta ashiba atema pelar, ta PDA Chairman Chingwang Konyak aser Co-Chairman Temjen Imna Along nati sangdong ka nung ashi.
Iba ajanga yimten latettsüba mapa lenmang shitak nung odar ta teimla agütsür aser iba nung PDA-i akokba tashi yariteptsü, ta tenatisa ashi.