PDA teshimtet teloki AICTE Chairman den ajurutep

March 1, 2021 nü New Delhi nung PDA teshimtet teloki All India Council Technical Education  (AICTE) Chairman Professional Dr. Anil Shahasrabudhe den ajurutepdang agiba noksa angur.

Dimapur, March 1 (TYO): March 1, 2021 nü PDA teshimtet teloki All India Council Technical Education (AICTE) Chairman Professor Dr. Anil Sahasrabudhe den ajurutepogo.

AICTE office, New Delhi nung Higher Education & Tribal Affairs Minister aser State BJP President Temjen Imna Along, Housing & Mechanical Minister Tongpang Ozukum aser Higher TE & Election Advisor Medo Yokha nungertemi Dr. Anil Sahasrabudhe den senden amen.

Iba mapang PDA MLA temi Chairman aser Ministry ketdangsürtem dang Nagaland nung Higher & Technical Education Department-i nüngdakba onüktem lemsatep aser Ministry-i yaritsü mepishi.

Iba mapang Ministry ketdangsürtemi Nagaland nung Polytechnic Institute atema hostel 5 talila yanglutsütsü aser Polytechnic Institute ajak nung modern laboratories aser IT equipments enoktsütsü nangzük.

Parnoki PDA züngsemtem dang anogo 15 tsüngda Ministry dangi DPR yoktsü ashi.

AICTE chairman-ia Nagaland nung National Institute of Technical Teachers Training and Research (NITTTR) lapoktsü molunga agizük aser iba onükji Ministry of Education dangi abentsü nangzük.

Senden nung Vice-Chairman AICTE M.P. Poonia, member Secretary Rajive Kumar aser Ministry nungi tongtipang ketdangsürtem aden.