Pebble indang ‘Pico’ power bank India nung sayaogo

Metsüremi 31, 2018 (Agencies): ‘Pico’ ta nüngja agütsüba power bank ‘Pebble’ puri sayaogo. Iba power bank nung battery tashiji 10000mAh (Milliamp Hour) alitsü. Iba power bank tasenba nung 10-way circuit protection system aser device tem charge asüba metettsü atema digital capacity indicator ka inokja lir.
Iba power bank ya ‘card deck’ ka danga tilaba aser baseball ama tepungba lir. Pico power bank nungsa over voltage protection, short circuit, over discharge aser over current protection atema safety features inokja yanglutsüogo. Iba power bank tozük gram 250 lir aser device ana khen nung charge sütetter, ta Pebble-i ashi.
Pico power bank nung A+ Grade Li-ion battery cells aser USB (Universal Serial Bus) 2.1A output ana inokja yangluogo. Iba power bank ajanga device tem kara charge asütsü atema DC (Direct Current) 5v-1A aser DC (Direct Current) 5V-2.1A USB outputs ana den külemi ano tanaben kara charge asütsü atema DC (Direct Current) 5V-2A inoka yanglutsüogo.
Maneni, Pebble Pico power bank ya sen 2,750 agi angutsü. Iba power bank ya sentsü tanak aser temesüng nung angutsü. Pico power bank ya E-commerce portals; Amazon mesüra Pebble indang official website ajanga sen 1,599 agi angutsü.