Peducha aser Kma nung yi aika apu

Kohima, July 25 (TYO): 10th Northern Angami 1 by-election agitsü aliba dak sendakba nung July 21 nungi 23 tashi Kohima Excise Election Expenditure Monitoring Squad (EEMS )-i mitba mapang, Peducha Excise check gate aser Kohima jila aser temeket tesemtem nungi IMFL pongdang 1,000 apu, ta Superintendent of Excise & Prohibition Kohima-i sangdong ka nung metetdaktsü.
Superintendent of Excise & prohibition aser (EEM) Kohima Nodal Officer-i ashiba agi, Inspector of Excise, Vipral, Assistant Inspector of Excise, Pusukhong, Asst Inspector of excise Akum Jamie nungeri aniba team den Excise sepaitemi Kohima jila aser Peducha check gate nung mita liasü.
Superintendent of Excise & prohibition-isa, NLTP Act’ 89 kübok ozüngtem nung ajemdaker ken o benok aser senchi achi, iba den külemi pua aliba yiji raksaa indoktsü atema Excise Malkhana nung yua lir.
10 Northern Angami – 1 A/C bye election magi tashi mapang shia ajungbena yi mita reprangtsü, ta Superintendent of Excise & Prohibition Kohima, I. Vikikhe Aomi-isa metetdaktsü.