Pei ajangzüktsü mechi Tsüngrem tenüng nung tenangzüktepba sentok

– Imlikokba Imsong, Ungma.

Naga nüburtemi pei kin jenjang lateta aliba sendoktsü state govt.i ULB election ajanga mesümesüa indoktsü sentong aliba ajanga Naga nübur kanga tashi itta nokdangtsü merangdang taküm tapayutsü ana samatsü aser aika yirutsü. Tasür anadi anir teyirur ajakji anüng ozü (sangpu ozü) amai yimzüa liasü-a na ? Chief Minister-a süang mesüra tilaba-a süang kasa Tsüngrem kati yangluba takümtem lir. Tapayu-a mapayu nisung dak ajir injang kaloktsübaji tesükshia mesükshi, ano densa tip matem nung NBCC-i anir Naga nübur aser govt. tsüngda tiyongi ir election ita ana as oshi theina atatsü Tsüngrem tenüng nung nangzüktep saka ajia ghonda ishika tsüngda nung mezüngmeshia sentok, koda tesasatsü.
Laishiba nung kodang reprangdangdir, Solomen Chubai Tsüngrem nungi pilaba ajanga Israel yimli ana küma lemsa. I Chuba 11:1-40. Chief Minister TR Zeliang-i tamachi mapa asoshi telemtetba agiaka koda ? Tanüngba ministertemi aser tanidakertemi yabo Naga nunger asoshi tim masü ta meshiteter ama ? Shidi süra tan iba süngpang tenjia-ka ita ishika lir General Election arutsü asenoki temetet dang. Nüburtemi ma-a sümonga odang tenük amuor odi ta nüburtemi ma-a asür ta India govt. dang ashitsü lenmang mali-a na? Mesüra kechi timtem ali ? Tsüngrem tenüng nung azüngashiba taiji pei-i abentsü. Kechiyong imlar nenok 60 prongla khristan tajung kaka asütsü südi.
Ano külem asenok nüburtem asoshi bilemdangra, Laishiba nung shia aliba agi Tsüngremi Israel kin (nüburtem) Pa den ali tashi Chuba tajung aika adokdaktsü. Tat. Agi David Chuba Tazüngkonem 10:1-29 ano 29:30
Asa Chuba I Chubatem 15:9-24
Hezekia Chuba II Chubatem 18 tekong ka nung –
SAKA
Kodangsa Israel kin-i Tsüngrem sentok Tsüngrem metsübuba adok, Rehoboam Chuba I Chubatem 12: tekong ka nungi -. Ahaziah Chuba I Chubatem 18: tekong 25 nungi -. Ahab Chuba II Chubatem 16: 29 aser 18:46
Yamaji Tsüngremi mesendokba mapang aser sendokba mapang Israel kin (nübur) asoshi temoatsü aser takoksa kakettem nung peria angutsü.
Asen Naga kin asoshi tanishir tajungtem adokdakjang ta asen nüburtem teshisadangtsü mapang ka ta metetdi.
Aser ano tang tensa asoshi mejaketa (step) aotsü anendaka ali, ibai ano tali Tsüngrem tsübua kümkümshir maneni aotsü merangtepdi. Hai! Nübur asoshi tanishirtem, ano tali tasü itshiang, nokdakang nüburtem ochi nung nenok den lirep-a tsüka nokdaka lir. Tsüngremi Naga kin makoksatsü lenmang ano tali teyuangma aser moajangma.