Pei akokbabo piesasa inyaker chiyunga ajemtsü

 – Imo, Youth Director Longchara.

Tanü asen Naga nungeri aonsutsü nungi tenzüker joko asen merataket sobaliba sübosülemtsü tashi tzümar dang alia agiba mapang ka nung alidang, lanur ajungshia asentenshidaktsütsü asoshi Longchara Baptist Arogo Youth Ministry-i “Pei Akokbabo Piesasa Inyaker Chiyunga Ajemtsü” ta asüba nung rangloker, Changtongya Town nung kou Mejeper (Barber) maliba ajiteta 2016 nungi Longchara Ward, Changtongya Town nung Weekend Saloon ka lapoka Honibar shia Lanurtem nem maongka agüja nubor tenzüka arur. Nükjidong tulutibaji Changtongya Town nung aliba lanurtem ajungshia kari danga iba mapa nung shilem agira pei taküm aser asen nübor asoshi tajangzük asütsü ta bilema tenzük, aser ya asangsang nung ataloka lanur aika tenük lapoktsüba kuli lir. Iba mapa ya lenmang nung dang anüshi (Umbrella) mesanga yur mejepa tenzük saka lia aodang Changtongya Town temeket nung aliba kija aser kibongtemi donation aguja, Kinji (Scissors), komesü aser Machine tashi alija tanübo ki tashi mesemteta Para agütsütsü nangzüka takok nung arudagi. Tanela aser shi medema aor ta asüba ama asenok shi nung nüchiso ngura tanela Nüchiso angutsü kanga tezüba akümer asünungji, Longchara Baptist Arogo Youth Ministry-i iba mapa ajanga ayongzüknübaji, asen Naga nunger sempet aliba lanur aika kidang moka nübo shizüka odaktsüdar, anungji item dangji inyaka alitsü ajungshidi aser Lensayur Arogo, Lensayur Lenir, Lensayur Public Leader, Lensayur Government asütsü Ayongzüker. Kechiyong item shizüka aoba nübotem ya arakzüdaktsüra asen Naga lima mejanga alibaji arakzütsü ta mangdanger.
Tsüngremi iba mapa nung shilem agir Longchara Lanurtem aser tetenlartem moshia moajangma.
“Na tanaben ali maküm tashi ne jak nungi asentzü sena inyaker chiyungtsü angutsü.”
– Lipok 3:19