Chennai, July 5 (Agencies) : Kü 54 tain kati pei jala asütsü anir arua mesüa aliba dak tim mesüi mapa tamajung inyakba ajanga taoba Deobarnü aonung Tondiarpet tesem nung police-i puogo.
Tebu’er chir tanabuba RSRM sorkar mozü kidang asoba osang Doctortemi Police dang asiba sülen pa apu.
Aiür chanulaji küm ka asüdang kinunger kidang nungi anir arua mesü. Aiürlaji tang küm 16 tain lir. Tambusang tenüngji Mani, aser pa ya yinsang yinri bendena ayokba dokan ka kibur, ta police osang ajanga metetdaktsüogo.
Taoba küm 15 tejakdang Mani o kinungtsü nati kinunger kibongji kanga sensak tia nung aliba anguba aria bilema iba aiür ya kinü tanur asüdang yongi tena jala asütsü ta ser anir arua mesü.
You must be logged in to post a comment Login